أحمد سعد: مش هتجوز تاني وزوجتي السابقة كانت لا تكل ولا تمل
تحدث المطرب أحمد سعد عن كواليس انفصاله عن زوجته الرابعة علياء بسيوني مشيرًا إلى أنها كانت السبب الأساسي لنجاحه بالفترة الماضية.
أحمد سعد يتحدث عن علياء بسيوني
قال أحمد سعد في تصريحات تلفزيونية عن انفصاله: ‘علياء حتى الآن هي الزوجة الرابعة، بس أنا تمام كده مش هاتجوز مرة أخرى، علياء هي سبب كل التغيير في حياتي، والست هي المحرك الرئيسي للرجل، وأي رجل عظيم كانت المرأة هي الدافع له، وأي رجل فاشل المرأة هي التي جعلته فاشلًا، وهذا من واقع تجربتي في الحياة’.
واستكمل أحمد سعد حديثه، وقال: ‘علياء ست لا تكلّ ولا تملّ، هي لو شايفة إن هو دا الصح هتقولك لازم تعمله، والمرأة لديها قدرة مهولة في الزن، هي عندها هدف هتعمله يعني هتعمله، والقدرة دي بتتحول لإيجابيات في الزن على الرجل، وأنا في الأول لما كنت بسمع منها كنت بقولها أنا عارف أنا بعمل إيه سيبيني أقرر، هي عندها صبر مهول وموجود عند كل الستات، وساعات يكون استخدامه في النكد’.
تصريحات أحمد سعد
وأضاف: ‘أنا فيا حتة حلوة أني بعرف أختار الشخص اللي أسند عليه وأسلّم له دماغي، أنا شايف إن هو اللي بيقرر كل حاجة ولكن أنا اللي مقرر إن هو يقرر لي، وشوفت نتيجة نجاحنا مع بعض، واللي حصل بعد ده إن الشغل بدأ يأخذ مِن حياتنا الأسرية، وهي شخص مجتهد ومحترم جدًا، وعملت أغنية بعتذرلك لابنتي والموضوع ده مكنش له علاقة أوي بالطلاق’.
وأختتم أحمد سعد حديثه عن ابنته، وقال: ‘بعتذرلها لأني مش معاها، قعدت مرة واثنتين وألف أجاهد على حياتنا الشخصية والأسرية، ولو أنا أناني كنت كمّلت لأن أنا الوحيد المستفيد’.
