أحمد صلاح حسني: كل مشاهد فيلم أوسكار- عودة الماموث كانت صعبة

تحدث النجم أحمد صلاح حسني عن مشاركته في فيلم أوسكار – عودة الماموث، وكشف الصعوبات التي تعرض لها ووصفه بالتجربة الجريئة موضحا أن 90% من مشاهد العمل تم استخدام الجرافيكس فيها.

وعن المشاهد الصعبة في فيلم “أوسكار – عودة الماموث” قال أحمد صلاح حسني: “كل المشاهد صعبة ومحتاجة مذاكرة، اتدربت فترة طويلة على الأكشن كل حاجة معمول حسابها، كل المشاهد فيها جرافيكس تقريبا 90 % من الفيلم جرافيكس هما كام مشهد بس اللي اتصوروا مشاهد عادية”.

وقال أحمد صلاح حسني في تصريحات تلفزيونية: “متحمس جدا للفيلم وهو تجربة جديدة لينا كلنا، فكرة إننا نفكر في تقديم فيلم معتمد على الجرافيكس الثقافة عندنا هنا بنقول إننا مش قد ده أوي ومش بنعرف نعمل كده زي الأمريكان والتقنية عندنا مش عالية لكن لما نشوف في آخر 6 سنين شركات بتعمل جرافيكس متطور جدا وبقى تقريبا أحلى من حاجات بنشوفها في هوليوود ودا اللي حمسني أخوض تجربة زي دي هي جريئة لكن محسوبة”.

وعبر أحمد صلاح حسني عن سعادته بتعاونه مع الفنان محمد ثروت في فيلم “أوسكار – عودة الماموث” وقال: “مش بعرف أصور مع محمد ثروت بيضحكني طول الوقت أنا سعيد بالشغل معاه وهو أخ ليا دا أول عمل مع بعض لكن إن شاء الله نبقى فخورين إن دا أول عمل وإن شاء الله ميكونش آخر عمل، الكيميا بينا باينة جدا هو إضافة للفيلم هو أحلى حاجة”.