أحمد فهمي يكشف سر تأخره في الإنجاب بعد أيام من الطلاق.. ما علاقة طفولته؟

كشف الفنان أحمد فهمي بعد أيام من طلاقه رسميًا من الفنانة هنا الزاهد، سبب تأخره في الإنجاب، موضحًا أن الأطفال أخطر شيء يمكن التعامل معه.

قال أحمد فهمي في تصريحات تلفزيونية له: «الطفولة أهم مرحلة في حياة الإنسان وخاصة من سن سنة لعشر سنين أي حاجة بتحصلك في السن دا بتبقى زي خربوش في جسمك مش هيتغير».

سر تأخر أحمد فهمي في الإنجاب

وتابع: «علشان كدا تلاقيني متأخر في الخلفة لأن التعامل مع الطفل دا أخطر حاجة ممكنة.. وفي حاجات سلبية حصلت في طفولتي لكن دلوقتي فهمتها، كل شخص فينا جواه طفل لازم يعرف يتعامل معاه».

كما وصف الفنان أحمد فهمي طفولته بـ «لا تراجع ولا استسلام»، لافتًا إلى أن أن أصعب شيئين في طفولته هما الحب المشروط والمقارنة بغيره من الأطفال.

هنا الزاهد وأحمد فهمي

تصريحات أحمد فهمي

وقال أيضًا: «في فرق بين تبقى مبسوط وبين تبقى راضي، وممكن البني آدم يقعد سنتين يفكر فكرة غلط لغاية ما يكتشف إحنا بنضيع وقت لحد ما نموت ولو حياتي فيلم هسميها سمك لبن تمر هندي، وأنا نفسيًا متقلب جدًا على حسب المكان عشان كده ممكن الناس تشوفني غريب».

وكشف أسرار عن نفسه قائلًا: «أنا بني آدم مش عايز حاجة أنا مش شخصية متطلعة، البني آدم اللي عايز دايمًا بيكون ضعيف مش قوي، فأنا حابب دائمًا إني مكنش عايز حاجة أو بمعنى أصح مش عايز حاجة من حد أنا متطلباتي بسيطة جدًا».

أسرار أحمد فهمي

وأضاف الفنان أحمد فهمي: «لما روحت أمريكا وأنا عندي 20 سنة خدت شنطة ونزلت المطار الساعة 4 الصبح.. اشتغلت في محل فاكهة وخضار وبكنس وبمسح، أنا كنت بدخل في تلاجة الخضار عشان اتدفى، واتعلمت إن أوحش حاجة في الدنيا هي الحوجة».

أحمد فهمي

أحمد فهمي