أحمد نادر جلال يكشف صعوبات فيلم السرب ومفاجأة عن كريم عبد العزيز

تحدث المخرج أحمد نادر جلال مخرج فيلم السرب عن صعوبات العمل، موضحًا أنه يهتم بمتابعة الإيرادات لأنها مقياس للنجاح الحقيقي.

قال المخرج أحمد نادر جلال عبر تصريحات تلفزيونية: «بهتم وبتابع الإيرادات لأن النجاح الحقيقي يقاس بها، معناها كام واحد دخل الفيلم ومشاهد الطيران كانت الأصعب لأنها حاجه جديدة، مفيش فيلم مصري اتعمل عن التاريخ الحديث للقوات المسلحة».

المخرج أحمد نادر جلال فيلم السرب

وتابع: «كل اللي اتعمل قبل كدا كان عن حقبة زمنية قديمة، لذلك كان أكبر تحدي إننا نطلع المشاهد بأفضل صورة ممكنة، والممثلين خضعوا لتدريبات في القاعدة الجوية، علشان يعرفوا تفاصيل الأشياء بتتعمل إزاي عشان كل دا لازم يطلع حقيقي، فقعدوا مع الطيارين واتعلموا حاجات كتير».

كما كشف المخرج أحمد نادر جلال، تفاصيل تجربته في العمل مع الفنان أحمد حلمي، وإخراجه فيلمين من بطولته و5 أعمال مع الفنان كريم عبد العزيز.

أبطال فيلم السرب

تصريحات المخرج أحمد نادر جلال

واستكمل: «أنا اشتغلت مع أحمد حلمي فيلمين ألف مبروك وكده رضا، بني آدم بيبذل مجهود خرافي في الشغل من أول الورق لغاية ما نخلص تصوير، متفاني في شغله وفنان كبير أما كريم عبد العزيز أخويا وصاحبي ودفعتي واشتغلت معاه خمس أفلام وأكتر فيلمين بحبه واحد من الناس وأبو علي».

أحمد نادر جلال