أقل حاجة أعملها لإخواتنا الفلسطينيين| بث مباشر
لفتة إنسانية من عامل دليفري يدعى السيد علي مهدي، مقيم في مدينة دمنهور بمحافظة البحيرة، والذي رفض توصيل أو شراء أي منتجات ضمن المقاطعة؛ وذلك تضامنًا مع أبناء الشعب الفلسطيني ودعمًا لهم ضد الجرائم والأحداث العنيفة التي يرتكبها ضدهم جيش الاحتلال الإسرائيلي في قطاع غزة.
عامل دليفري يرفض توصيل منتجات المقاطعة
وقال السيد علي، إنه اشترى دراجة نارية يعمل من خلالها في توصيل أي منتجات أو طلبات، ثم بعد ذلك قرر أن يمتنع عن توصيل أي منتجات للمقاطعة للتضامن مع الشعب الفلسطيني.
وتابع: أنا مش بشتري أي منتجات مقاطعة حتى في البيت عندي.. عشان كده قررت أوقف شغل فيهم، ومش هوصل أي أوردر يكون فيه منتجات من المقاطعة.
وأضاف السيد علي أنه عندما يطلب منه أي عميل شراء منتجات من المقاطعة وتوصيلها له يرفض ذلك نهائيًا، قائلًا: كتبت على الموتوسيكل بتاعي إني مش بشتري ولا بوصل أي منتجات في المقاطعة.. وطبعًا شغلي اتأثر شوية بسبب الموضوع ده، بس مهما حصل أنا هفضل مقاطع.
كما أوضح أن هناك عددًا من زبائنه توقفوا عن التعامل معه بسبب رفضه توصيل أي منتجات ضمن المقاطعة، معلقًا: فيه زباين بطلوا يشتغلوا معايا عشان المقاطعة.. ورغم كده فيه زباين كتير شجعوني ووقفوا جنبي.
واختتم حديثه: دي أقل حاجة الواحد يقدر يعملها لإخواتنا في غزة، وياريت لو أقدر أعملهم أكتر من كده.. وإن شاء الله هفضل مكمل في المقاطعة ومراتي في ضهري وشجعتني عشان أكمل.
