أكرم حسني: «أنا شخص بحب التنظيم وحياتي مليانة جداول وأرقام»
أكد الفنان أكرم حسني، على أن والده الراحل، بمثابة ضوء في حياته، وعندما يفعل شيئًا ويفرح به كان يتمنى أن يشاهده.
وأشار أكرم حسني، في تصريحات إذاعية، إلى أنه يقلل عدد المحيطين به تدريجيًا، قائلاً: «في فلاتر موجودة حوالينا طول الوقت وده بيخلينا نفرز .. في الرحلة بنقلل عدد الناس اللي فاكرينهم صحابنا».
ووصف أكرم حسني نفسه بأنه شخص منظم قائلاً: «أنا شخص نمكي أوي وبحب التنظيم والتخطيط والترتيب وحياتي مليانة جداول وأرقام وحسابات.. بس التجربة اثبتت ان في حاجات كتير الصدف فيها أحلى، والرأي المطلق دي حاجة مش صح وبالنضج والتفكير والخبرة والممارسة مفيش صح مطلق والأفكار بتتغير وبنكبر وبننضج ومفيش حاجة ثابتة».
وأكد أكرم حسني، على أهمية الجمهور في طبيعة عمله، قائلاً: «راس مالنا في الشغلانة الجمهور وعيننا على استقبال الناس للشغل عمرنا ما هنقدر نرضي كل الناس».
وتحدث أكرم حسني عن حنينه لذكرياته في الطفولة قائلا: «عندي حنين غير طبيعي للأبيض والأسود في الحياة وبعيش مع ذكرياتي وأنا طفل وبحب أتفرج على صورنا العائلية.. وفي أوقات بحب الصور الجماعية ويبقى حواليا ناس كتير وأوقات تانية بحب قعدة البيت لوحدي شوية».
