اتقدمت لـ ليلى زاهر في النادي الأهلي.. وقالتلي أبويا هيقتل اللي يتقدملي
الثلاثاء 06/فبراير/2024 – 02:09 ص
كشف الفنان هشام جمال، تفاصيل تقدمه للفنان أحمد زاهر، لطلب يد وخطبة ابنته الفنانة ليلى زاهر، مؤكدًا أنه تجمعهم علاقة صداقة قوية للغاية، وطلب زاهر منه طلبًا واحدًا فقط.
وقال هشام جمال، خلال حواره مع الفنانة والإعلامية إسعاد يونس، في برنامجها صاحبة السعادة، المذاع عبر شاشة قناة DMC: أنا اتقدمت لزيزو في النادي الأهلي، علشان الناس تعرف أد إيه أنا أهلاوي، كان عندنا حاجة واتقابلنا في النادي، وبعد ما خلصنا الموضوع كان رايح عزاء وأنا رايح نفس العزاء، وقعدنا نتغدى في النادي مع بعض، وفجأة خطفته بسؤال هنعمل إيه في موضوع ليلى.
وتابع هشام جمال: أول سؤال سأله والدها كان الموضوع بدأ امتى، فقلت له متخافش أنا معملتش أي حاجة تتخطى حدود الأدب والاحترام، واتكلمنا 4 ساعات، وبعد العزاء كملنا كلام لغاية الساعة 2 الصبح.
هشام جمال: أحمد زاهر بيخاف على بناته.. وطلب مني طلبا وحيدا
وأضاف: حكيت له كل حاجة ممكن تبقى مهم يعرفها، وليه إحساسي كده ناحية بنتك، وليه شايف إنك المفروض توافق، وطمنته على حاجات كثيرة، وليلى قالتلي أبويا هيقتل اللي يتقدملي، وهو مشكلته الرئيسية إنه بيحب بناته جدًا وخايف عليهم، وطمنته بمنطق متخافش عليها، وفي قراءة الفاتحة كان له طلب وحيد، عايزك تاخد بالك من بنتي.
