اخبار الفن داليا البحيري تعلق على مقاطعة المنتجات الأجنبية: حاسة بانتصار.. محدش يزايد على حد

علقت الفنانة داليا البحيري على مقاطعة المنتجات الأجنبية، تضامنًا مع أهل غزة وفلسطين.

وكتبت داليا البحيري في منشور عبر حسابها الرسمي بموقع انستجرام: «أنا حقيقي سعيدة جدًا كل لما أعدي من قدام ستاربكس ولا ماكدونالدز وألاقيهم بينشوا بحس كده بانتصار وفرحانة أوي ببنتي وأصحابها اللي بقوا واعيين وفاهمين».

داليا البحيري تعلق على مقاطعة المنتجات الأجنبية

وتابعت: «بكلم كيمي إمبارح كانت مع أصحابها لقيتها بترد عليا وهي بتغني أنا دمي فلسطيني فلسطيني فلسطينيييي.. كماكيمو اللي بتسمع تايلر سويفت تخيلوا.. شكرًا غزة واللي زعلان ومتضايق من پوستاتي عن غزة وعن فلسطين في حاجة اسمها take a break عشان ما اعكرش عليك صفو حياتك في اللالا لاند!».

واستكملت الفنانة داليا البحيري قائلة: «وممكن كمان تعملي unfriend لطيف برضو! ده تل أبيب ذات نفسها يا مؤمن فيها مظاهرات ضد اللي بيحصل في غزة!! ده غير المظاهرات في كل عواصم العالم!!.. ده الأمريكان ذات نفسهم مقاطعين ماكدونالدز وستاربكس وشيپسي وپيبسي وغيرهم منتجات تانية كتير اللي هي صناعة أمريكي أصلا!!».

داليا البحيري

داليا البحيري عن حرب غزة

وقالت أيضًا: «مقاطعين منتجات بلادهم عشان موالية للكيان الصهيوني!! عشان موالية للاإنسانية!!! مضايقاك أوي پوستاتي؟! بلاش تشوفها.. لأن باختصار كل واحد حر!! دي اختيارات في الحياة!! أنا عندي أصحاب مش مقاطعين ولا مقتنعين بالمقاطعة!».

وأضافت الفنانة داليا البحيري تعليقها قائلة: «مزعلتش منهم ولا حكمت عليهم لأن في ضميرهم هما شايفين إن ده هيضر اقتصاد البلد.. كل واحد حر! أنا هفضل أعمل شير وأكتب وأدعم منتجات بلدي وهفضل أقاطع المنتجات الموالية وأحرر نفسي وضميري».

واختتمت: «مش طول عمرنا بنقول الحل في تشجيع المنتج المصري؟! أهو جت علي الطبطاب يلا نشجع المنتج المصري اللي حقيقي يقدر ينافس بقوة.. محدش يزايد على حد دي قدرات.. كل واحد حر!!».

داليا البحيري تعلق على مقاطعة المنتجات الأجنبية