اخبار الفن محمد عطية يبكي بسبب غزة: بستحرم اللقمة اللي بأكلها

ظهر الفنان محمد عطية يبكي على الهواء في أحدث لقاء تلفزيوني له، والسبب في ذلك أهل غزة حيث كان يتحدث عن حرب غزة وما يحدث من دمار وقصف وسقوط الضحايا والشهداء.

قال الفنان محمد عطية في تصريحات تلفزيونية له: «عندي حاجات بشتغل فيها لأن ده أكل عيشي، لكن بستحرم اللقمة اللي بأكلها، إحنا معندناش دم؟!».

بكاء محمد عطية

وتابع: «بنأكل والأطفال بتموت من الجوع في فلسطين، الأطفال بتموت حرام وبقيت أبص للسقف وأحمد ربنا إن عندي سقف، الأب بيحضن أولاده وهو نايم مش عارف هيصحى في حضنهم ولا لأ».

واستكمل الفنان محمد عطية قائلًا: «مش خايف أخسر حاجة في شغلي بسبب تصريحاتي ما يولع أي حد، الطفل اللي عنده 10 سنين في غزة ضفره برقبتي».

بكاء محمد عطية

محمد عطية يدعم القضية الفلسطينية

حرص أيضًا على دعم ومساندة الشعب الفلسطيني، مضيفًا: «مش خايف أخسر أي حاجة، خسرت برنامج ليا لكن مش عايز مواقف تبيني كبطل أنا مش بطل.. الأبطال هناك في غزة».

واختتم الفنان محمد عطية قائلًا: «أنا إيه اللي بعمله بتكلم على السوشيال ميديا.. لما تخلص حياتي هستفيد إيه لازم يكون عندي موقف.. الحياد في الموقف دي خيانة».