اخبار الفن منى زكي: أحداث غزة غيرتنا.. والدول الأجنبية ليس لديهم إنسانية
حرصت النجمة منى زكي بالحديث عن القضية الفلسطينية على هامش تكريمها في مهرجان الضيافة بدبي، حيث تحدثت عن ما يحدث حاليًا في قطاع غزة من إبادة بشرية للأطفال والنساء والشيوخ على يد الاحتلال الإسرائيلي.
منى زكي في مهرجان الضيافة بدبي
قالت منى زكي في تصريحاتها: ‘مش عارفه أقول إيه أكيد مبسوطة إني وسطكم بس حاسة بعد الأحداث الأخيرة كلنا اتغيرنا، فيه حاجة جوانا اتغيرت فيه حاجة اتكسرت ومتهيألي مش هترجع غير لما يبقى شعب فلسطين حر ويبقى بياخد كل حقوقه’.
واستكملت منى زكي حديثها، وقالت: ‘اتعلمت في الفترة دي هو أن الإنسانية محدش بيعلمهالك مش لازم يكون في منظمات بتكتب قواعد للإنسانية’.
وأضافت: ‘الإنسانية انك بتتولد بيها وبتبقى جواك وعارف إيه قواعدها من غير منظمات تحطلك يعني إيه تبقى إنسان’.
تصريحات منى زكي في دبي
واختتمت منى زكي حديثها، وقالت: ‘الدول الأجنبية عملوا نفسهم بيعلمونا الإنسانية، وهما معندهمش أي إنسانية الحقيقة، علشان كده على خشبة المسرح خلال تكريمي من مهرجان ضيافة بدبي حبيت أقول إن الإنسانية بتتولد جوانا، مش لازم منظمة تعرفك عليها، هي بتتولد جوانا وبتكون لا عندك لا معندكش’.
