البحث عن كيلو سكر.. أحمد موسى ينفعل بسبب تصريح وزير التموين: ليه مش النهارده

انفعل الإعلامي أحمد موسى، بسبب عدم تطبيق مبادرة تخفيض الأسعار التي أطلقها رئيس الوزراء قبل أسابيع، قائلا: في تجار وصناع مش عاوزين يقللوا الأسعار.

وتابع خلال تقديم برنامج على مسئوليتي، المذاع على قناة صدى البلد، لا بد من التحرك الفوري لحل أزمة أسعار السكر، موضحا أن المواطن بيشتكي من شهر يعني لسه هيستنى 10 أيام في معاناة البحث عن كيلو سكر.

وأردف الإعلامي أحمد موسى، أنه لا بد من التدخل الآن قبل الغد، لوضع سعر استرشادي للسكر، قائلا: التاجر لن يبيع بخسارة أو أقل من الثمن الفعلي للسلعة .

وقال: لازم الحكومة تشوف ليه مبادرة تخفيض الأسعار لم تحقق الهدف منها، وأيه سبب عدم الالتزام بها من قبل الناس اللي قعدتوا معاها وحققتوا لهم طلباتهم، مضيفا: الأسعار زادت منزلتش.

وأردف أحمد موسى: أنا الحكومة أنا الدولة، يعني مينفعش أتحكم في السوق وأخلي التاجر يتحكم فيا، ده السوق سبقني بـ 10 خطوات، معلقا: في مواطن غالي عليه السكر بسعره الحالي، وده سلعة استراتيجية مفيش بيت يستغنى عنه.