الرئيس السيسي يوجه بالتوعية الصحية بسرطان الثدي: إحنا مش عايزين حد يتألم

علق الرئيس عبدالفتاح السيسي، على كلمة الدكتور خالد عبدالغفار، وزير الصحة والسكان، بشأن وصول نسبة الإصابة بسرطان الثدي إلى 29%، قائلا: أنا بديك الوقت ده علشان ده منبر موجود تنقل فيه الفكرة للناس وتقول.. إنت بتتكلم في 29 وراضي عنها وأنا أرضى عنها ليها وترضوا عنها ليه يا مصريين».

وأضاف الرئيس السيسي خلال جلسة العدالة الاجتماعية والصحة بمؤتمر حكاية وطن، اليوم الإثنين: «إحنا بنقول هنعلم إزاي الناس تكشف على نفسها.. طب لو الكلام ده موجود، سواء كان المسح اللي الوزارة بتعمله أو إننا نعلم بناتنا أنهم يخلوا بالهم من الموضوع ده ليه، علشان متتجرحش، علشان ميتكسرش خاطرها، لأن أي حاجة من ديه طالما عرفنها مبكرا جدا جدا يكون علاجها أسرع، إحنا مش بنتكلم في التكلفة لكن في الأثر الناجم عنها وده اللي خلانا نعمل المبادرة.. علشان الـ29 كتير».

وتابع الرئيس السيسي: «بدل ما بنقعد نلح بالمطبخ في القنوات، مطبخ مطبخ مطبخ، حد يلح في الموضوع اللي بتقول عليه ده.. مفيش برنامج شوفته بيتكلم على عادات صحية وعادات رياضية تساهم مساهمة كبيرة في الـ أنت بتقول عليه ده، محدش بيتكلم فيه خالص، علشان تقول اعملوا في ديه كده واعملوا في أطفالكم كده وقبل الزواج اعملوا كده، مش علشان إحنا مش قادرين نعالج، علشان اللي بيتأذي بيتألم، وإحنا مش عايزين حد يتألم».