المطرب أحمد جوهر: والدي من أشهر قارئي القرآن وآخر أغنية قدمتها هدية من تامر حسني
تحدث المطرب أحمد جوهر عن أسرار حياته الشخصية وكواليس بدايته الفنية، ورفضه أسرته دخول عالم الفن، موضحًا أنه محظوظ كونه من جيل الكاسيت.
قال أحمد جوهر في تصريحات تلفزيونية له: «أنا عايش في الجنوب وصعيدي كنت خلصت الثانوية العامة وكان كل همي إني ارتبط بأكاديمية الفنون والمعهد العالي للموسيقى العربية، وكنت عايز أبقى دارس مزيكا وده كنت محظوظ فيه شوية، ومن حظي إني حضرت جيل الكاسيت».
تصريحات المطرب أحمد جوهر
وتابع: «أما دخلت المعهد العالي للموسيقى العربية، عميدة المعهد اختارتني في فرقة الإنشاد الديني مش في فرقة أم كلثوم للموسيقى العربية، لأنها شافت في صوتي شجن ديني لأني طبعًا قارئ الحمد لله قرآن، وتواشيح دينية وخدت فترة فيهم.. وطبعًا كان في اعتراض على دخولي المعهد العالي للموسيقى العربية، أول حاجة لأني راجل صعيدي من الأقصر ومن أسرة دينية، وفوق المعبد ده جدنا أبو الحجاج الأقصري وده دليل على الجمال كله هناك ووالدي من أشهر قارئي القرآن، وإحنا اتربينا ومرتبطين أسريًا مع الشيخ محمد صديق المنشاوي والنقشبندي».
وأضاف المطرب أحمد جوهر: «بعد ما دخلت فرقة الإنشاد الديني أصدقاء لي عرفوني للفنان مجدي الحسيني عازف الأورج، وهو كان من أعظم عازفي الأورج عزف ورا أم كلثوم وعبد الحليم حافظ، وبعدين كنت معاه في فرقة جميلة أوي، وغنيت سهرة السبت في التلفزيون».
المطرب أحمد جوهر
أسرار المطرب أحمد جوهر
واستكمل: «ومن خلالها سمع صوتي المنتج الكبير أستاذ عاطف منتصر، ومضيت معاهم، وكان فيها عظماء مصر، ولكن مكنتش محظوظ فيها»، مشيرًا إلى أن أغنية هاتلي قلبك التي تعاون خلالها مع الفنان حميد الشاعري، هي سبب شهرته.
وقال أحمد جوهر أيضًا: «الفترة دي كنت بتقابل مع حميد الشاعري، هو كان فاكر إني ليبي علشان شكلي وكنت بتكلم صعيدي، وهو كان فاكر كل الصعايدة لونهم أسمر، والحمد لله أول أغنية اللي هي هاتلي قلبك نجحت جدًا، وكانت موفقة جدًا وهي سبب شهرتي».
سبب غياب أحمد جوهر عن الساحة الفنية
وفيما يخص سبب غيابه عن الساحة الفنية، قال إن السبب هو عدم قبوله العمل مع أكثر من منتج، معربًا عن ندمه بخصوص هذا الأمر، مضيفًا: «أنا عندي انتماء شوية لـ شركة الإنتاج اللي أنا معاها، فلما سيبتها ومنتجين تانيين عرضوا عليا شغل رفضت، وأغلبية النجوم لو ركزت في تاريخهم هتلاقي أن الحياة عندهم مفيهاش عاطفة، وده صح مش غلط وممكن تلاقي واحد مع أكتر من شركة».
وأضاف المطرب أحمد جوهر: «آخر أغنية ليا كانت في فيلم البيه رومانسي، ودي كانت هدية من حبيبي تامر حسني وهو حقيقي مش بيشتغل مع أي حد، وهو قليل أنه يلحن أو يكتب كلمات لحد، وهو عملهالي من حبه فيا».
المطرب أحمد جوهر
