بالتعاون مع بهاء سلطان.. أحمد سعد يطرح أغنية «كله فالصو» من فيلم «عصابة عظيمة».. فيديو

طرح النجم أحمد سعد عبر قناته الرسمية بموقع يوتيوب أغنية «كله فالصو» ويشاركه في غنائها النجم بهاء سلطان، ضمن أغاني فيلم «عصابة عظيمة».

أغنية «كله فالصو» من كلمات فلبينو ومصطفى البرنس، وألحان وتوزيع أحمد طارق يحيى.

وتجسد إسعاد يونس في الفيلم دور سيدة أعمال كفيفة اسمها عظيمة، وتواجه مشكلة أثناء تعاملها مع موظف بأحد البنوك، فتقرر التعاون مع عصابة للسطو على البنك وسرقة الأموال المودعة به.

فيلم «عصابة عظيمة» بطولة إسعاد يونس، كريم عفيفي، محمد محمود، رنا رئيس، فرح الزاهد، وعنبة ومن تأليف هاجر الإبياري ومن إخراج وائل إحسان.

وتقول كلمات أغنية «كله فالصو»:

لوتيجى سيرتك قدامى

بفضل أقول أنا مش هشتاق

و دقيقة وارجع ف كلامى

ليه هو أنا برج الجوزاء؟

ولا أنا واقع في عصابة

ولا أنا عندك بتغابه

ولا إنت سوقت في الحلاوة وخليت الحلوين .. خليت الحلوين

خليت الحلوين غلابة

كله فالصو وكله Fake

إلا بس جمال عينيك

كله نازل نقش فيك

وإنت أصلي ختمك عليك

كله في الجمال ده صيني

وإنت بس اللي قاريني

ولا حاجه تملى عيني

غيرك ياللي العين عليك

باسخن وحرارتي بتعلى

أنا ولا خط الاستواء

افتحلي بس سكة

وإحنا هنوصل لاتفاق

مصروفلك حُسن غالي

مستورد سعره عالي

وأنا على قد حالي

وماشي جنب الحيط … ماشي جنب الحيط

أنا ماشي جنب الحيط .. بلالي