بتطلع عليا إشاعات جواز دايمًا.. وأختي هنا بتعمل أغاني مع الشرنوبي
الأربعاء 24/يناير/2024 – 06:37 م
تحدث الفنان الشاب محمد يسري عن أكثر شائعة طالته من السوشيال ميديا، وعن شعوره عند سماعه لـ أغنية بنت أبويا، لشقيقته هنا يسري، وإمكانية تقديمه ديو غنائي معها.
وقال محمد يسري خلال حواره مع القاهرة 24: كل الإشاعات اللي بتطلع عليا هي إشاعات جواز، وأني مرتبط وخاطب، ومطلعش عليا إشاعات تانية.
وعن شعوره بعد سماع أغنية بنت أبويا لشقيقته هنا، أضاف محمد يسري: أول ما سمعت أغنية بنت أبويا عيني دمعت عشان علاقتي بوالدي.. وهنا أختي اتكلمت معايا كتير عشان أقدم معها ديو غنائي.
وأكمل حديثه: أنا مؤدي مش بغني، وفكرة أني أقدم معاها ديو غنائي مش متأكد منها لأني لسه مش عارف إمكانيتها، لكننا شغالين مع بعض وبتعمل أغاني مع محمد الشرنوبي.
أغنية بنت أبويا
وحققت أغنية بنت أبويا لـ هنا يسري نجاحًا كبيرًا على مواقع التواصل الاجتماعي، وعرضت الأغنية خلال أحداث مسلسل موضوع عائلي 2 بطولة الفنان ماجد الكدواني، رنا رئيس، وغيرهم من النجوم.
وجاءت كلمات أغنية بنت أبويا كالتالي: صوت رنة المفتاح في الباب ساعة اما توصل ومكالمة نص اليوم لما من غير داعي تسأل.. والزعيق من ورا قلبك لما اصالحك وتتقل وحضنك اللي بنسي قبله ليه كنت بزعل، رأيك اللي كله حكمة صوتك حفظته.. كل موقف يوم زعلني وبعدين فهمته انت اللي أنا رافعة راسي من ورا اسمه وسيرته.. بنت أبويا واه يا بختي بعمري وياك عشته.
