بحضور نجوم الفن.. لقطات من حفل زفاف شقيقة إنجي علاء
احتفلت الكاتبة إنجي علاء بحفل زفاف شقيقتها مساء أمس السبت، الموافق له 28 سبتمبر الجاري.
شاركت إنجي علاء متابعيها وجمهورها بنشرها صور من حفل الزفاف، عبر حسابها الرسمي بموقع انستجرام.
حفل زفاف شقيقة إنجي علاء
وعلقت على الصور: «من فرح أختي الحمد لله، ربنا يسعدك ويباركلك يا حبيبتي وأختي وبنتي أنتي ورشيد يارب، شكرًا لكل اللي حضر وشاركنا فرحتنا».
حضر حفل زفاف شقيقة إنجي علاء، كلًا من الفنان عمر الشناوي وزوجته، والمؤلف هاني سرحان وزوجته الفنانة بسمة داوود، والفنانة رشا مهدي، والفنانة نورهان منصور.
حفل زفاف شقيقة إنجي علاء
آخر لقاء بين إنجي علاء وحسام شوقي
وفي وقت سابق، كشفت السيناريست إنجي علاء تفاصيل آخر لقاء جمعها بالمنتج حسام شوقي، قبل وفاته يوم 1 أغسطس 2024 في حادث مروع.
نشرت إنجي علاء صورة للراحل حسام شوقي عبر حسابها الرسمي بموقع انستجرام، وعلقت قائلة: «بحاول مافكرش من ساعة اللي حصل وأهرب بأي طريقة من الواقع المرعب ده.. لسة مش قادرة استوعب».
وتابعت: «آخر مرة قابلت حسام لقيت فتحي قبلها ربنا يرحمه ويحسن إليه بيكلمني بيقولي على الميعاد.. استغربت لأني عارفة إن حسام وقتها كان مشغول ومسافر وكنا هنتقابل أما يرجع».
واستكملت إنجي علاء: «المهم حسام قالي أنا جيتلك في النص المكتب مخصوص بسرعة ولازم أسافر على طول وكانت مقابلة كلها أخبار مش كويسة وكانت حالتي النفسية ملخبطة والشغل وقصصه.. حسام كان مبتسم وهادي زيادة».
وأضافت: «زي ما يكون في دنيا تانية.. كان في حاجة غريبة فيه وفكلامه مافهمتهاش وقتها.. فهمتها دلوقتي.. فهمت كنت عايز تقول إيه يا حسام.. أنا كنت عاملة زي الطفلة اللي كبرت في مكان وهي مش حاسة.. سنين شغل وشقى وفرح وعمره مازعل مني لما كنت أتضايق وأتعصب عشان عارف قد إيه بحب الشغل وبخاف عليه».
واختتمت إنجي علاء: «اليوم ده كان عايز يقولي إن الطفلة كبرت خلاص وأنها لازم هتكمل لوحدها.. كان بيحاول يعرفني أكمل إزاي.. طلع كان بيودعني وأنا مش فاهمة.. والله ما هنسى اللي قلتهولي والله ما هنسى كلامك ونصايحك ياخويا وأستاذي وكل حاجة نضيفة وحلوة وأحلى أيام.. مش هنسى أكيد بس يارب أقدر أكمل في الدنيا الصعبة دي.. ربنا يرحمك يا حسام أنت وفتحي وتامر ومحمود ويسكنكم فسيح جناته ويصبرنا ويهونها علينا».
حفل زفاف شقيقة إنجي علاء
حفل زفاف شقيقة إنجي علاء
حفل زفاف شقيقة إنجي علاء
