بعد 19 عامًا.. خالد يوسف يكشف سبب خلافه مع هند صبري خلال تصوير فيلم ويجا
السبت 01/يونيو/2024 – 01:56 ص
كشف المخرج خالد يوسف، عن سبب خلافه مع الفنانة هند صبري خلال مشاركتهم في فيلم ويجا، الذي طرح عام 2005 أي قبل نحو 19 عامًا.
وقال خالد يوسف في لقاء تلفزيوني: في الفيلم نفسه اختلفنا، ومفيش حاجة اسمها أن الممثل يقول مش عاوز مشهد بالشكل ده، ده يروح يعمله لوحده ويخرج لنفسه الممثل أداة من أدوات المخرج، وعليه أن يلتزم برؤية المخرج حتى في طريقة التمثيل نفسها، وحصلت بينا مشكلة شبه كده.
خالد يوسف يرد على رفض هند صبري العمل معه
وعن رده على رفض هند صبري العمل معه قال: مش عاوز أورط نفسي في حاجة ممكن تكون ما تقالتش، لكن هي حرة وده حقها المطلق، وأنا معنديش مشكلة أشتغل معاها، والشغل ارتياح كامل، ولو مش مطمن إن المخرج هيطلعك في أحسن حالاتك، لو عندك شك ما تشتغلش مع المخرج.
أبطال فيلم ويجا
يُشار إلى أن فيلم ويجا من تأليف وإخراج خالد يوسف، وشارك فيه كل من هاني سلامة، شريف منير، هند صبري، بشرى، دوللي شاهين، بسمة، محمد الخلعي، ويتناول قصة أصدقاء يجتمعوا في العطلة أمام لعبة ويجا للتنبؤ بالمستقبل كنوع من التسلية، لكن تنقلب الأوضاع.
