تامر عاشور يعلن موعد طرح ألبومه الجديد
أعلن المطرب تامر عاشور، عن موعد طرح ألبومه الغنائي الجديد، مؤكدا أنه حدد طرحه بالأسواق في فصل الشتاء المقبل.
وكتب تامر عاشور، عبر حسابه الشخصي على موقع التواصل الإجتماعي إنستجرام،وعلق قائلا: أشكركم على كل تعليقاتكم وحبكم المتواصل والمستمر اللي بتمنى من ربنا يدوم وأكون قد المسؤلية اللي بتحطوني فيها وأنتو مش حاسين.
تامر عاشور وألبومه الجديد
وأضاف تامر عاشور: هديتي ليكم في الشتا هترد جزء من جمايلكم عليا إن شاء الله ألبوم كامل يظبط المود، وأول ما الصيف يبدأ يودعنا مش هسيبكم برضه دي جمايل ولازم تترد.
انفصال تامر عاشور وسمر أبو شقة
كانت قد أعلنت سمر أبو شقة انفصالها عن تامر عاشور، في شهر يونيو الماضي، موضحة أن الطلاق تم بشكل رسمي بعد انفصال لفترة طويلة.
وفي سياق آخر، وجه الفنان تامر عاشور رسالة للفنان أحمد سعد، بعد مشاركتهما في حفل ليلة الدموع في جدة، قائلًا: «أحمد سعد بيغني أحسن من أي حد».
وتابع تامر عاشور في تعليقه على صورة أحمد سعد التي نشرها عبر حسابه الرسمي بموقع انستجرام، قائلًا: «وينافس ويُثابر ويبذل مجهود ويتحدى ويفرض نَفسه وذوقه وفنّه».
واستكمل: «في كل مرة لحد ما يوصل للي عايزه ويرضيه ومش أي حاجه ترضي فنان بقدرات وفن الراجل ده كل ده حصل وبجدارة وتفوق وبيحصل وهيحصل كتير».
وأضاف الفنان تامر عاشور قائلًا: «ولو اتكلمت عن أحمد سعد الجدع اللي ياريت كل الناس تبقى عندها نيّته وقلبه الأبيض اللي ميختلفش عليه اتنين، وناس كتير معاشرينه وعارفين ده.. كلامي مش هيوفّيه حقّه.. أنا بحبك وبحترمك وبحترم مشوارك ونجاحك يا صديقي فوق الوصف وافتخر بيك ربنا يزيدك ويبعد عنك كل شر».
