تامر عاشور يكشف مفاجآت ألبومه الجديد: بحب النكد زي عينيا
كشف الفنان تامر عاشور سر تقديمه عدد كبير من الأغاني الحزينة، ونجاحه بها عن الأغاني السعيدة أو الرومانسية.
قال تامر عاشور عبر تصريحات تلفزيونية: «بحب النكد زي عينيا ده الاستايل بتاعي وأنا مهتم به وبقدر أطلع منه أغاني تعجب الناس».
تصريحات تامر عاشور
واستكمل: «الدراما مبتحزنش.. الدراما بتفرج عن اللي جواك وبتحس إن أنا بقولك اللي أنت عايز تقوله».
وتحدث تامر عاشور عن مفاجآت ألبومه الجديد، وكشف موعد طرحه كاملاً وهو في نهاية فصل صيف 2024 الحالي.
تامر عاشور خلال الحفل
ألبوم تامر عاشور في 2024
وأوضح أن الألبوم الجديد يتضمن 10 أغاني، مضيفًا: «أشكال المزيكا مختلفة فيه تمامًا عن اللي كان بيتقدم قبل كده وفي نفس الوقت مش غريبة على ودن الناس الكلام جديد جدًا».
وفي وقت سابق، خرج الفنان تامر عاشور عن صمته، بشأن أزمة الفنانة شيرين عبد الوهاب مع أسرتها، بعد ظهور تسريبات صوتية لطليقها الفنان حسام حبيب، وهو يتحدث مع أحد الأشخاص ويخطره بأن محمد شقيق شيرين عبد الوهاب السبب في ابتعادها عن جمهورها وعن الساحة الفنية مؤخرًا.
وأكد تامر عاشور على أن الكلام الذي يتضمنه التسريبات الصوتية لـ حسام حبيب كذب، وليس لها أساس من الصحة وأن شيرين عبد الوهاب منعزلة عن أسرتها خلال الـ ٣ سنوات الماضية.
وأوضح من خلال صفحته الرسمية على موقع «X – تويتر سابقًا»، قائلاً: «كل اللي اقدر اقوله في موضوع شيرين عبد الوهاب .. ان مفيش كلمه واحده بس من اللي اتقالت وانتشرت صح أنا قريب من اهل شيرين ووالدتها واخوها».
وأضاف قائلاً: «أنا برضه اقولها اني بحبها وكل الدنيا بتحبها وتحب فنها … أهل شيرين مظهروش ف حياتها اخر سنتين تلاته اهل شيرين هم اهل شيرين من زمان كل نجاحات شيرين كانت وسط اهلها وناسها اللي يشيلوها من ع الأرض شيل».
واستكمل تامر عاشور، قائلاً: «يارب يبعد عنها كل خبيث واناني وفاشل وممثل . هي اطيب منهم كلهم وهم اللي وقعوها فكل مشاكلها ‘انت بمن حولك ‘ لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله ف عدم وجودهم بمنتهى السهولة».
واختتم: «أنا كلت عيش وملح ف بيتها وف بيت امها واخوها وكان لازم اقول الكلام ده علشان الكلام ده هو الكلام الحقيقي ولا كلمه من اللي اتقالت واتسمعت ليها أساس من الصحة … اهل شيرين هم هم اهل شيرين من زمان قوي .. بالعقل».
تامر عاشور خلال الحفل
شيرين عبد الوهاب وشقيقها محمد
