حسام الحسيني عن مشاركته في «بطن الحوت»: اعتبرت الدور تحدي
تحدث الفنان حسام الحسيني عن تفاصيل مشاركته في مسلسل بطن الحوت مع الفنان باسم سمرة والفنان محمد فراج، بشخصية الشيخ هندي.
قال حسام الحسيني عن مشاركته بمسلسل بطن الحوت في تصريحات إذاعية له: «التحدي هو اللي خلاني أقبل بالدور وأول ما المخرج أحمد فوزي صالح ومدير الكاستنج مودي شاهين كلموني أنا ماكنش في دماغي التمثيل من فترة وكمان ماعملتش أدوار جد».
حسام الحسيني مسلسل بطن الحوت
وتابع: «ما شوفتش مخرج دؤوب ومركز في كل حاجة زي أحمد فوزي صالح، قال لي أي حاجة مش هتفكر فيها أنا هعملها في المسلسل ده، وأنا بحب الناس اللي عارف إننا هنفيد بعض».
وقال حسام الحسيني عن كواليس تصوير مسلسل بطن الحوت: «كنا بنصور في الأميرية ولقينا أدب ولذاذة وتعاون من الناس والسكان هناك، وكنت بروح أتبسط ومركز في الدور بتاعي».
حسام الحسيني مسلسل بطن الحوت
تصريحات حسام الحسيني
وأضاف: «في الأول كنت واخد الشخصية في حتة وبعدين بدأنا نشتغل عليها مع بعض ونشوف هو ليه بيعمل كده، وهو مش متدين هو مدعي التدين علشان يركب الدنيا وهو أمير جماعة متطرفة وانتهازي ووصولي».
كما علق الفنان حسام الحسيني على جدل مشاركة أحد مشاهير السوشيال ميديا في العمل، قائلًا: «في ناس على السوشيال ميديا موهوبة بجد وبيستغل ظروفه علشان يحقق حلمه بكاميرا موبايل».
واختتم: «وأنا بقول لهم ماتحاولش تبقى شبه حد لأنك هيكون عندك حاجات مختلفة لكن في الأول يكون فيه أسس صح تكمل عليها بس، ومعنديش مشكلة لو لقيت شباب من على السوشيال ميديا ينفعوا المشاريع بتاعتي أيًا كان مين».
حسام الحسيني مسلسل بطن الحوت
