حمو بيكا يحذر أقاربه بسبب طلب المساعدات: شقيت وتعبت سيبوا الملك للمالك

وجه حمو بيكا مؤدي المهرجانات رسالة تحذيرية لأقاربه، الذين يطلبون المساعدات المالية منه ومن والدته.

وقال حمو بيكا في تصريحات تلفزيونية له: «قلت لهم مش معايا، قالوا لي مراتك معاها دهب، المفروض إني أبيع لهم الدهب عشان أديهم؟!».

رسالة حمو بيكا لأقاربه

وتابع: «تعبت نفسيًا من الناس اللي بتطلب ببجاحة.. سيبوا الملك للمالك، هناك الكثير من الأمور الغريبة فقد تربيت في منطقة شعبية، وكنت أقيم مع أسرتي في غرفة وصالة ومطبخ وحمام.. كنت راضي بما قسمه الله لي، ووالدي شقي علينا لحد ما كبرنا».

واستكمل حمو بيكا قائلًا: «كنت أدعو الله في كل وقت، وعمري ما بصيت لحاجة مش بتاعتي ولا قلت لحد إديني.. شقيت وتعبت واشتغلت من وأنا 14 عامًا حتى وصلت للمكانة دي، ولم أجد أموال كثيرة تركها لي والدي أو وُلدت مرفهًا لكنني كافحت».

حمو بيكا واسرته

تصريحات حمو بيكا

وقال أيضًا في رسالته: «والدي علمني كيف أكون رجلاً يعتمد عليه، ودلوقتي بقيت شايل بيت أبويا وأخواتي، معملتش حاجة غلط أبدًا، ولكن بعد سبوع ابنتي تاج لقيت الناس كلها تتصل بي وتقولي إحنا محتاجين وهم مش محتاجين».

وتابع مؤدي المهرجانات حمو بيكا حديثه: «لم أكن أحصل على 120 جنيه يومية، ولكن 11 جنيه، وأحيانا 13 ولم يساعدني أحد ولم أطلب المساعدة من أحد، وكنت أحصل في الأسبوع على 150 تقريبًا واشتغلت بتاع كشري ونجار مسلح ومبيض محارة وبتاع سيراميك، ومخلتش حاجة إلا واشتغلتها لكن كنت أقول الحمد لله أولاً وأخيرًا».

واختتم: «لم أصل إلى ما أنا عليه الآن بسهولة، وحتى الآن لا ننام أو نرتاح كثيرًا، علينا ديون والتزامات وحياة أنا شغال بصوتي، ولو أصبت بدور برد هقعد في البيت، ولو طلب مني أقاربي مساعدة سأساعدهم طبعًا، ونفسي ربنا يديني وأعمل خير كتير، أنا بعمل بس مش ينفع أقول لكن مينفعش أدي واحد عنده صحة وعافية يشتغل وأسيب ناس تعبانة».

حمو بيكا