خالد الصاوي بعد اعتذار تامر حسني: العشم نهايته زعل
تحدث الفنان خالد الصاوي عن تفاصيل علاقته بالفنان تامر حسني وعتابه له بسبب عدم سؤاله عنه، وكشف حقيقة وجود خلاف بينهما بعدما بادر الأخير بالصلح.
قال خالد الصاوي بعد اعتذار تامر حسني له ومبادرته بالصلح، عبر تصريحات تلفزيونية: «علاقتنا أصبحت محددة وأنا مشوفتش الرد بتاعه».
خلاف خالد الصاوي وتامر حسني
وتابع: «كلامي عن تامر وعتابي له من العشم، وأما بسأل عليهم المفروض يسألوا عليّ، تامر حسني وكريم عبد العزيز وأحمد السقا كلهم حبايبي».
واختتم خالد الصاوي حديثه بنصيحة، قائلًا: «متتعشمش في حد في الزمن ده علشان متزعلش، دائمًا بقول العشم نهايته زعل».
خالد الصاوي وتامر حسني
خالد الصاوي يعاتب تامر حسني
وكان قد حرص الفنان تامر حسني أن يرد على تصريحات الفنان خالد الصاوي الأخيرة بشأنه، الذي عاتبه فيها لعدم رده على اتصالاته الهاتفية.
وشارك تامر حسني صورة تجمعه بخالد الصاوي عبر خاصية الستوري، التابعة لحسابه الرسمي بموقع انستجرام، وعلق قائلًا: «يا عم خالد أنت صاحبي وحبيبي وتأخيرك عني مکانش شخصي».
واستكمل: «لو شخصي مكنتش هزعل واستناك سنه مش أسبوع، بس ده كان تأخير على كل الممثلين والمنتج والمخرج وياريتك قولتلي إنك زعلان على تليفوني من سنتين».
وتابع تامر حسني في رده على خالد الصاوي: «كنت جيت لحد عندك صالحتك والله معرفش إنك زعلان، وبالمناسبة أنا اللي زعلان علشان كان نفسي تبقى معايا وأنت اللي اختفيت وعلى أي حال زعلك عندي بالدنيا وأول ما أرجع من السفر إن شاء الله هجيلك لحد عندك أصالحك وناخد صورة حلوة زي دي».
تامر حسني وخالد الصاوي
