«خضع لعملية جراحية في القلب».. الفنان تامر ضيائي يكتب وصيته

حرص الفنان تامر ضيائي على الكشف عن وصيته وذلك عقب تعرضه لجلطة خلال الأيام الماضية، وخضوعه لعملية جراحية في القلب.

وصية تامر ضيائي

كتب تامر ضيائي عبر حسابه بموقع التواصل الاجتماعي فيسبوك: ‘بوست الوصية ده هيفضل باين على صفحتي لحد ما أموت.. الحقيقة إللي كلنا عارفينها ومتأكدين منها إننا كلنا ربنا كتبلنا إننا نموت في ميعاد محدد غير معروف، وعشان كده كتبت الكلام ده لأنى محتاج حاجات معينه تتعمل وحاجات خايف تتعمل وأنا مش عايز حد يعملها لمجرد إنها معروفه، ووقتها طبعًا مش هعرف أقولها لحد’.

واستكمل تامر ضيائي حديثه، وقال: ‘دي وصيتي صلاة الجنازة أهم من العزا، وهى اللى كل ما العدد زاد كل ما ثوابى ما كان أكتر، فأرجوكم تصلوا عليا، مش شرط تيجى العزا وياريت لو إتعمل فى البيت أو مكان بسيط بفلوسه تطلعولى صدقة جارية أفضل، من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وإدعولى الوقت اللى هتقروا فيه جزء فضوا نفسكم وإقعدوا إدعوا فيه’.

تصريحات تامر ضيائي

وأضاف تامر ضيائي: ‘بلاش صدقة جارية تقليدية وسهله ومش مستفاد بيها يعنى المصاحف كتير فى مصر اوى وكل بيت فيه كتير فممكن نحط الفلوس فى جامع بيتبنى أو كرسى متحرك فى مستشفى يستفادوا بيه المرضى أو دخول مياه لبيت غلابه أو بناء سقف لبيت فقراء، حاجات ناس تستفيد بيها لمدة طويلة، دى نقطة مهمه اوى بالنسبة ليا.. محدش يقول لحد بتعيط عليه لية، ومتعيطش عشان هو بيتعذب!! الكلام دة غلط، سيبوهم يعيطوا لحد ما يطلعوا كل الشعور اللى عندهم ومفيش حاجه بتقول إن العياط معناه عدم رضا بقضاء ربنا ‘وأبيضت عيناه من الحزن فهو كظيم’.

واختتم تامر ضيائي حديثه، وقال: ‘أهم حاجة تانى هى الدعاء وبس والصدقة، من فضلكم تكثفوا الدعاء وقت نزول القبر وتتصدقوا بأى حاجه بنية إن ربنا يجعل قبرى روضه من رياض الجنه ويثبتنى عند السؤال لأن ده أهم وقت ليا وياريت كمان بعد ما تدفنونى تقعدوا معايا شوية ومتستعجلوش تمشوا عشان تونسونى فى ليلة زى دى، الموت علينا كلنا حق وإحنا كلنا أمانات ربنا وهيردنا تانى، فالحزن على الفراق هونوه على نفسكم بالدعاء ليا عشان أبقى فى سعادة لحد ما أقابلكم تانى، اللي بيحبوني يدعولى كتير عشان لو مفيش حد يدعيلى، ودى مهمة أوى أوى أوى عاوز الكل يسامحني علي اي حاجه عملتها فيه بقصد لو يدون قصد’.

تامر ضيائي

تامر العلي يدعو للفنان تامر ضيائي

وعلى جانب أخر، حرص الفنان حمزة العلي، على أن يطلب الدعاء من جمهور الفنان تامر ضيائي حيث أنه يتواجد في القصر العيني الفرنساوي بعد إصابته بجلطة.

وكتب حمزة العلي عبر حسابه بموقع التواصل الاجتماعي فيسبوك: ‘صديقي وأخي الغالي الممثل المحترم أبو الأصول والواجب تامر ضيائي سلامتك يا حبيبي ربنا يتم شفائك على خير وتخرج بالسلامة وبسرعة من القصر العيني الفرنساوي، دعواتكم له بالشفاء’.

تطورات حالة الفنان تامر ضيائي

جدير بالذكر أن، تامر ضيائي كتب في منشور عبر حسابه الرسمي بموقع فيس بوك يوم الثلاثاء 23 أبريل 2024: «بداية جلطة، دعواتكم».

ويخضع الفنان لعملية قسطرة في القلب بعد أن تم إذابة الجلطة التي تعرض لها، وينتظر الأطباء الاطمئنان على حالته الصحية بعد إجراء بعض التحاليل الطبية ليتمكن من الخروج من المستشفى.

وكان قد شارك الفنان تامر ضيائي مؤخرًا في مسرحية نجوم الضهر، التي عُرضت على مسرح مدينة سنبل من بطولة سميرة عبد العزيز، وحازم القاضي، وندى ماهر، وآخرين والعمل إخراج وكتابة محمد صبحي، وأشعار عبد الله حسين.

تامر ضيائي

آخر أعمال تامر ضيائي

وكانت آخر أعمال تامر ضيائي مشاركته في مسلسل فراولة، في النصف الثاني من شهر رمضان 2024 مع الفنانة نيللي كريم، شيماء سيف، صدقى صخر، أحمد فهيم، علا رشدى، حجاج عبد العظيم، دنيا سامى، تونى ماهر وعدد كبير من ضيوف الشرف منهم الفنانة سمر مرسي.