رامي جمال: السنة دي بداية النجاح الحقيقي اللي حلمت بيه

حرص النجم رامي جمال على الحديث عن النجاح الذي حققه مؤخرًا مشيرًا إلى أن النجاح الحقيقي بسبب جمهوره.

رامي جمال يتحدث عن النجاح

كتب رامي جمال عبر حسابه بموقع إنستجرام: ‘الحمد لله النجاح الحقيقي بيبقي بسببكم ومنكم وعدت نفسي وعد ووعدتكم ان السنة دي بداية النجاح الحقيقي اللي حلمت بيه النجاح الحقيقي اللي مش هتنازل عنه وبالعكس هيكبر لان لسه المشوار كبير’.

وتابع: ‘مشوار الفن مش نجاح مره لا نجاح كل مره وبشكركم علي كلامكم ودعمكم وبشكر كل الصناع اللي شاركوني من اول ما بدأت لحد انهاردة وبشكر كل الشركات اللي اشتغلت معاها قبل كده وشركه ڤايرل ويڤ اللي معايا دلوقتي ووعد كله ثقه في ربنا ان الخطوات اللي جايه احلي واهم وأكبر’.

 

View this post on Instagram

 

A post shared by Ramy Gamal (@ramygamalmusic)

وانهى كلامه، وقال: ‘بشكر كل الصحفيين اللي كتبو عن كل خطوه عملتها لحد انهارده وبقول للجمهور الراقي العزيز هدفي انكم كعيلتي تتبسطو مني وبيا وبقولكم الصيف لسه في مفاجأات تاني مهمه جدا’.

كلمات أغنية بيكلموني

وعلى جانب أخر، تمكن النجم رامي جمال من تصدر تريند موقع الفيديوهات الشهير يوتيوب، وذلك من خلال أغنية بيكلموني، حيث حققت مشاهدات عالية منذ تاريخ عرضها.

موقع قناة صدى البلد، يرصد فيما يلي كلمات أغنية بيكلموني للفنان رامي جمال فيما يلي.

الناس عليه بيكلمونى

أخباره لسه بيوصلونى

من قلبى ببعتله السلام

وبيسألونى

أيامه لسه بيوحشونى

بالغالى لما يحلفونى

انا ببقى متطمن أوام

بيصبرونى

كام صوره لينا يعوضونى

عن طول غيابه عن عيونى

مبقتش متحمل حرام

وف بالى كلام

جوايا بشيله ونفسى أحكيله ونرجع زى زمان

انا عيشت أدعيله  ولسه باقيله بجد ف قلبى مكان

معرفش ظروفه ولما ها أشوفه اللهفه عليا تبان

شاهده الأيام

وسنين إخلاصى دى على أحساسى وعمره عليا ما هان

مانسيتش دقيقه ب أى طريقه ونفسى أرجعله عشان

حنيت ف غيابه وقلبى اهو سابه محسش أى أمان

بيأكدولى

عنى أن سألهم هايقولولى

طول بعده انا عايش ب طولى

والأسم اهو عايش والسلام

وبيوعدونى

وانا نفسى بس يريحونى

وفى مره صوته يسمعونى

و أهم حاجه يكون تمام

أغنية بيكلموني

جدير بالذكر أن أغنية بيكلموني، من ألحان رامي جمال، ومن كلمات جمال الخولي وتوزيع ومكس وماستر أحمد إبراهيم، ويتضمن الألبوم 15 أغنية وهي بيكلموني، سوء تفاهم، أنت مين، خليني أشوفك، بقول وأكدب، فستانك أبيض، بضيع وقت، قولي آه، عادي أنساك، أهو، قلبي خام، ذكريات هوانا، هنسي إسمك، شاهد الله، أوقات.