شادي شامل: «بحب جسمي وبدلع نفسي قدام المراية.. وبعمل بوتكس»
![](https://i0.wp.com/akhbar.live/wp-content/uploads/2024/07/شونجا.jpg?fit=620%2C443&ssl=1)
آثار الفنان شادي شامل، الجدل على مواقع التواصل الاجتماعي، بسبب تصريحاته الأخيرة في إحدى البرامج التليفزيونية، حول ارتدائه «حلق» وإجراء عمليات تجميل في جسده.
وقال شادي شامل، أنه أجرى عرض لبرفان لإحدى العلامات التجارية الشهيرة في مدينة دبي، بعد اختياره والذي جاء بالصدفة على حد وصفه.
وأكد شادي شامل على أنه يُحب نفسه، قائلاً: «أنا معجب بنفسي ولازم أحب نفسي، والموضوع مش إني بحب نفسي ولكن أنا واثق من نفسي، مش غرور ولا تكبر، أنا بحب روحي التلقائية».
وأضاف شادي شامل قائلاً: «أنا بحب جسمي، وبصحى الصبح أنظر لنفسي في المراية، وبدلع نفسي قدام المراية، ومفيش أي مشكلة.. وأنا من الشخصيات اللي بتحب تكلم نفسها، واقول لنفسي: صباح الخير .. وساعات ببقى مش طايق أبص لنفسي في المراية».
وكشف شادي شامل عن إجراء عمليات تجميل للحفاظ على شكله، قائلاً: «أنا عملت بوتكس، لكن معملتش فيلر، الفيلر عملته مرة واحدة من كام سنة وكان بالعافية، كنت في دبي.. لكن أنا بعمل بوتكس وكل الفنانين بتعمل بوتكس.. ومش عيب إن الراجل يهتم نفسه.. لو حاجة هتخلي شكلك حلو اعملها لكن لو الموضوع هيقلب منك بلاش تعمله.. ودي حاجة ماتقللش من الواحد».