شاهيناز: «مذيعة رفضت ظهوري في برنامجها علشان معنديش فضائح»
كشفت المطربة شاهيناز، عن رفض إعلامية ظهورها في أحد حلقات برنامجها بسبب عدم وجود فضائح وأحداث مثيرة للجدل في حياتها الشخصية.
وأشارت شاهيناز في تصريحات تليفزيونية، قائلة: «في مذيعة من الموجودين حاليًا رفضت ظهوري في برنامج لأني غيرة مثيرة للجدل، وأنا عرفت بالصدفة، أن هي قالت أن حياتي هادية ومفيش فيها فضائح، وأنا ماليش الحق أطلع أهاجم حد عنده وجة نظر مختلفة عني».
أما عن القرار الذي ندمت على اتخاذه، فعلقت شاهيناز، قائلة: «مقدرش أقول أن في قرار ندمت عليه، لأن شعور الذنب بالنسبة ليا شعور سلبي وأنا مبديش نفسي فرصة إني أعيشه، ولكن أقدر أقول أن أي حاجة حصلت في الحياة أنا محبتهاش أوي كان قرار اتعلم منه، ولكن مبندمش بعتبره درس وعلامة وإشارة».
كما وجهت شاهيناز رسالة للجمهور، قائلة: «نفسي الجمهور يبدأ يسمع تاني أغاني حلوة، خلاص إحنا سمعنا كتير هبد ورزع، في معاني في الكلام بقت مفقودة دلوقتي ياريت نرجع نسمعها، إدوا فرصة للناس اللي بتعرف تغني وتقدم فن أنها تبقى موجودة».
