طارق الشناوي يكشف الفنانة التي تفوقت في مسلسل سفاح الجيزة
علق الناقد الفني طارق الشناوي على مسلسل سفاح الجيزة بطولة الفنان أحمد فهمي، قائلًا: «اللي أنا شفته للحلقة الرابعة فقط مبرر أن العنف والدموية اللي عند البطل أنه شاف أمه بتقتل أبوه».
وتابع الناقد طارق الشناوي في تصريحات تلفزيونية له: «العمل الفنى اللي بس هيحكي عن القاتل.. تستمتع بيه في اللحظه، بعد ذلك لا نستعيده».
الناقد طارق الشناوي عن مسلسل سفاح الجيزة
وأضاف: «نستعيد الأعمال عندما يكون بها وجهة نظر فكرية أبعد.. لغاية الحلقة الرابعة مشوفتش البعد ده، بتفرج على المسلسل مجرد مشاهدة».
واستكمل الناقد الفني قائلًا: «جاذبني شغل المخرج وتفاصيل الإضاءة والموسيقى والديكور، طيب فيما بعد الجانب الفكري ايه اللي عايز يقوله لسه مقالوش لدلوقتي ممكن يظهر بعد كده».
طارق الشناوي
أبطال مسلسل سفاح الجيزة
وتحدث عن أبطال مسلسل سفاح الجيزة، قائلًا: «أحمد فهمي هيطلع من المسلسل ده بنجاح مضاعف، لسه كان عامل فيلم مستر إكس وناجح نجاح سينمائي وتليفزيوني ده مقابل هيعمله نقلة كبيرة.. هو عامل دور في قدر كبير من الإبداع كفن أداء ممثل».
واستكمل طارق الشناوي: «عنده هدوء وارتياح، وفي علم النفس في حاجة اسمها الثبات الانفعالي وده اللي التزم بيه أحمد واللي هي جزء من تكوين الشخصية، والجرائم دي كلها وراها حد مخطط وعارف هيعمل ايه، ولكن وشه مفيش فيه أي ملامح وده اللي خلاه يخدع كل الناس».
وقال عن بطلات العمل «في الحقيقة حنان يوسف عاملة إبداع كبير، هي أعلى فن أداء تلقائية رهيبة عمري ما شوفتها في حالة القلق دي.. ميمي جمال طبعًا ممثلة لها بعد نصف قرن على الأقل، وفي الكام مشهد اللي طلعت فيهم رائعة.. وركين سعد واجهة تتقدم بقوة، وده يحسب إلى المخرج».
حنان يوسف في مسلسل سفاح الجيزة
أحداث مسلسل سفاح الجيزة الحلقة الأولى
