قطعوا أصابعه عشان مسلمش كويس.. سباح دريم يروي تفاصيل لأول مرة عن الاعتداء
بكلمات مؤثرة روى، اللحظات الصعبة التي مرت عليه أثناء إصابته، بدأ حديثه قائلا: الـ”5 أيام اللى فاتوا عدوا عليها كأنهم عمر تاني ليا أصعب أيام مرت عليا في حياتي”.
وأضاف مالك خلال لقائه مع الإعلامية نهال طايل ببرنامج تفاصيل المذاع على قناة صدى البلد 2، يوم الحادثة “كان عندى تمرين خلصت وغيرت هدومي ولبست، وأنا طالع من بوابة النادي معايا صحابي بنمشى مسافة صغيرة لكوبرى المشاة عشان نعدى الطريق فى الاتجاه التاني، كان فى شلة شباب واقفين فى حدود 7 أشخاص تقريبا كانوا واقفين”.
متابعا: “جاى واحد منهم ومد إيده يسلم عليه سلمت عليه، وقالى عاوز أشوف موبايلك ماردنش عليه واحد من صحابه اللى كانوا واقفين معاه قاله سيب الناس فى حالها”.
وأوضح مالك، فى ثوانى معدودة طلع سلاح أبيض من بين هدومه وقالى سلم عليا كويس إنت بتشد إيدى أنا كده إزاى، وخبطنى بالسلاح فى كتفى الأول قطع رباط الشنطة اللى كنت لابسها الخبطة اخترقت إبدى وأنا بنزل الشنطة رايح عليه عشان أبعده بعيد عني رفع أيده بالسلاح ونزل على أيدى وطاير صوابعى في لمح البصر”.
وأكمل مالك “بعدها صحابه قالوا أجرى بسرعة، والكل كان فى صدمة وصحابى بردووو كانت لحظة صعبة أوى علينا كلنا سندت على عربية جنبى وفضلت أقول “إنا لله وإنا اليه راجعون” وأنا شايف صوابعى على الأرض ودمي بينزف”.
