كلمات أغنية الليلة حلوة لـ روبي.. تقترب من ربع مليون مشاهدة
تواصل روبي نجاحها من خلال أحدث أغانيها التي طرحتها مؤخرًا، وهي أغنية الليلة حلوة، حيث تمكنت من الاقتراب من ربع مليون مشاهدة على يوتيوب.
موقع قناة صدى البلد، يرصد فيما يلي كلمات أغنية الليلة حلوة، وإليكم التفاصيل.
كلمات أغنية الليلة حلوة
هي القعدة دي اللي حلوة وناسها حلوة
ويومنا دا شكله جميل
خدنا أهو من الفرحة وصلة، دماغنا فاصلة
ورايقين طول الليل
طب هي القعدة دي اللي حلوة وناسها حلوة
ويومنا دا شكله جميل
خدنا أهو من الفرحة وصلة، دماغنا فاصلة
ورايقين طول الليل
والليلة حلوة.. الليلة دي حلوة.. القعدة حلوة
ايه الجو العسل ده؟.. ايه الموود القمر ده
هو الروقان ده اللي ناقصنا
روبي الليلة حلوة
والليلة حلوة.. الليلة دي حلوة.. القعدة حلوة
ايه الجو العسل ده؟.. ايه الموود القمر ده
هو الروقان ده اللي ناقصنا
عليّ يابني الصوت شوية.. كمان شوية
ده في مغنى ده في مغنى وفي رقص
سقف يابني، وأنت طبل ده يومنا يهبل
ومتعبناش بالعكس
والليلة حلوة
أغنية الليلة حلوة
وعلى جانب أخر، طرحت الفنانة روبي، أغنيتها الجديدة «الليلة حلوة»، على طريقة الفيديو كليب، عبر قناتها الرسمية على يوتيوب، بالإضافة إلى المنصات الغنائية الرقمية المختلفة.
وظهرت روبي بإطلالة صيفية، وسط أجواء الصيف وهي تجلس على شاطئ البحر في إحدى الدول الأوربية الساحلية، من أجل ظهور الكليب بشكل مختلف ومميز كعادة أعمالها الغنائية.
وتعاونت روبي في أغنية «الليلة حلوة»، مع الشاعر محمد مصطفى ملك، والملحن محمود أنور، ومكس وماستر عمرو الخضري، والفيديو كليب من إخراج أحمد عبد الوهاب.
