لقاء الخميسي: بكلم أبويا كل يوم وبيرد عليّ مع أنه مات
كشفت الفنانة لقاء الخميسي أسرار من حياتها الشخصية والفنية، لافتة إلى أنها حتى الآن، لم تتخطى أزمة رحيل والدها، وأكدت أنها تتحدث معه بشكل يومي.
وقالت لقاء الخميسي في تصريحات تلفزيونية لها إنها تشعر بأن والدها المتوفي معها، ويرد عليها، ودائمًا تلجأ له لمعرفة رأيه في بعض الأمور كما تأخذ منه القرار.
لقاء الخميسي ووالدها
واستكملت أنها تستمد قوتها منه، رغم رحيله، مضيفة: «بابا كان الراجل الأول والأخير في حياتي، كان راجل مختلف، حساس طيب كل الصفات الحلوة فيه».
وتابعت الفنانة لقاء الخميسي قائلة: «مكنش بيزعقلنا، لكن لو الأخطاء تكررت تاني بيكون في عقاب، راجل متفهم ومتسامح.. هو كان صوتي الداخلي بكلمه لحد دلوقتي وبيرد عليّ، بكلمه كل يوم وبقوله الحاجات الحلوة والوحشة».
تصريحات لقاء الخميسي
وقالت أيضًا: «هو كإنسان مش موجود لكن روحه معايا.. مات بالكانسر، الدكاترة قالوا إنها النهاية وإحنا من الأول عارفين بس مكنتش عارفة أواجه ولا أقبل الموقف، ولما تعب مكنتش عايزة أدخل أشوفه.. كنت بزعل وبقول لربنا ليه تعمل في كدة؟».
واختتمت لقاء الخميسي: «بعد ما مشي كانت مأساة.. بس كنت قوية جدًا من برة، لكن من جوه ضعيفة جدًا، لأني مؤمنة أنه مماتش، هو طول الوقت موجود لو عندي مشكلة في حاجة أنا عارفة هو عايزني أعمل إيه.. فعايشة بنصايحه لحد دلوقتي».
لقاء الخميسي
