محمد فؤاد يتوعد بضرب خطيب ابنته.. وأمنية حياته لم يحققها
روى الفنان محمد فؤاد كواليس حوار بينه وبين ابنته بسملة، بشأن خطوبتها أو خطوبة شقيقتها، حيث فاجأها بموقفه.
قال الفنان محمد فؤاد في تصريحات تلفزيونية له: «أنا حالف لبسملة أول ما حد يطلب إيدها هديله بالقلم، سواء هي أو آلاء.. مش عارف إيه السبب، أنت مين علشان تاخدهم من حضني».
محمد فؤاد وخطيب ابنته
وتابع: «البنات حاجة جميلة وربنا يكون في عون كل واحد يعيش هذا الإحساس»، وفيما يخص تسمية بناته، قال: «آلاء الله مكتوبة في القرآن الكريم، وفي عشق بيني وبين سورة الرحمن، وفي السابق قبل زواجي كان في مقرئ طيب أستقبله ويقرأ ما تيسر من القرآن كل يوم جمعة، وأطلب منه سورة الرحمن واخترت أسماء الأولاد من هذه السورة».
كما كشف محمد فؤاد حلم حياته في بداياته قبل الشهرة، وهو شراء سيارة «رمسيس» وكان سعرها وقتها حوالي ألف جنيه، مضيفًا: «قبل ما أغني كان حلم حياتي اشتري عربية رمسيس، وعندي صاحبي قالي نروح نقطع السقف ونعملها كوبيه، حتى بعد ما ركبت عربية كويسة برضه عايز أجيب الرمسيس وأقطعها كده».
محمد فؤاد
أسرار محمد فؤاد
وكشف أيضًا أسرار من حياته، قائلًا: «أنا دارس تعليم صناعي ويستهويني الشغل في الورش، وعندي حتى الآن عدة كاملة، وورشة في بيتي في الساحل، أصلًا أنا لحام، كنت مساعد مهندس لحام، كنت أشطر واحد يلحم.. وعدت الأيام وربنا فتح عليا، وركبت اللي ماكنتش أحلم بيه، وجيبت عربية غالية أوي من ماركة شهيرة، أغلى عربية ركبتها في حياتي».
وأضاف محمد فؤاد: «لكن طول ما قاعد في العربية لو بصيت لقيت في حالة تعبانة أو فقيرة، أقول يا أنا راكب بالتمن ده والراجل ده مش لاقي، وأقعد ألوم نفسي، فبقت عبء عليّ.. وطلقت الكرة منذ مشكلة مباراة مصر والجزائر.. بروح أتفرج على محمد صلاح لما أكون في فسحة في إنجلترا».
محمد فؤاد
