محمود البزاوي عن فيلم آل شنب: بسيط ودمه خفيف.. وممكن أبتعد عن التمثيل علشان سلامي النفسي
الجمعة 22/ديسمبر/2023 – 05:15 ص
تحدث الفنان محمود البزاوي عن فيلم آل شنب، الذي عرض في الدورة السادسة من مهرجان الجونة السينمائي، بطولة الفنانة ليلى علوي وعدد من الفنانين.
وقال محمود البزاوي خلال لقائه مع القاهرة 24: آل شنب فيلم بسيط ودمه خفيف جدًا ومش كوميدي هو لايت، وأنا مبسوط لأن دي تاني تجربة ليا مع المخرجة أيتن أمين بعد سابع جار، وأنا فرحان إن دي أول تجربة سينمائية لـ أيتن وأني معاها.
وأضاف البزاوي: ومبسوط أني كنت جنب لبلبة وسوسن بدر في العمل ده، وأسماء جلال ممثلة جامدة جدا، وعموما أنا لازم أبقى مرتاح نفسيا، فممكن أبتعد عن التمثيل عشان سلامي النفسي.
محمود البزاوي يتحدث عن تعاونه مع أحمد الفيشاوي
وسبق وتحدث محمود البزاوي عن تعاونه مع أحمد الفيشاوي، في أكثر من عمل فني، آخرها فيلم عادل مش عادل، المقرر عرضه قريبا، حيث قال خلال لقائه مع القاهرة 24: مش أول مرة أتعاون مع الفيشاوي، إحنا عملنا مع بعض قبل كدة فيلم شيخ جاكسون، وفيلم رهبة، ودلوقتي عادل مش عادل، واللي عاجبني في الفيلم إن علاقتي أنا والفيشاوي في الواقع زي علاقتنا في الفيلم، علاقة القط والفار والمطاردة.
فيلم آل شنب
ويشارك في بطولة فيلم آل شنب الفنانة ليلى علوي، هيدي كرم، خالد سرحان، محمود البزاوي، أحمد عصام، ابتهال الصريطي، سوسن بدر، سلافة غانم، حسن مالك، نورين أبو سعدة، هبة يسري، وغيرهم، والعمل من تأليف أحمد رؤوف وإسلام حسام وإخراج آيتن أمين.
