مفاجأة حول حقيقة ارتباط سعد لمجرد بصديقة زوجته
ترددت خلال الساعات الماضية أخبار حول ارتباط الفنان المغربي سعد لمجرد بالإعلامية بسنت شمس الدين وهي صديقة زوجته، ما جعلها تخرج عن صمتها وتتحدث لأول مرة.
سعد لمجرد بالاعلامية بسنت شمس الدين
قالت بسنت شمس الدين في تصريحات تلفزيونية عن شائعات ارتباطها بالفنان سعد لمجرد: ‘قبل أي حاجة سعد لمجرد إنسان متجوز وزوجته ريتا صديقي وأنا لأول مرة بقول الكلام ده وبوجه لها أحلى تحية في الدنيا، فهي صديقة مقربة وإحنا على تواصل بشكل دائم كل يومين تلاتة بنتكلم’.
وتابعت: ‘هي من أحلى الشخصيات وأطيبها وعمرها ما حسيت بالغيرة مني، وظهوري في فيديوهات عفوية مع سعد لمجرد ده لأني شخص مش متصنع وسعد وريتا كمان وكلنا متصالحين مع بعض، وريتا صديقتي من قبل زواجها من سعد’.
واستكملت بسنت شمس حديثها، وقالت: ‘يمكن لأن محدش بيشوفني معاها الناس بتطلع إشاعات، أنا وريتا عمرنا ما اتقابلنا وجها لوجه أنا علاقتي بريتا مع سعد من أول يوم على التليفون طول الوقت’.
سعد لمجرد وبسنت شمس
علاقة بسنت شمس وسعد لمجرد
كما كشفت بسنت شمس الدين قصة تعارفها على سعد لمجرد وقالت: ‘أنا من جمهور سعد لمجرد وسعيت إني اتعرف عليه وأعمل معاه لقاء تليفزيوني في وقت مكنش أي حد بيقدر يوصل فيه ليه ووصلت له’.
واختتمت كلامها: ‘أنا مفيش حاجة بتقف قدامي عايزة حاجة هعملها، سعيت واجتهدت وعن طريق الصديقة المقربة لسعد وهي وصلتني له وعملت اللقاء وقتها أنا وهو طلعنا تريند بشكل كبير جدا في الوطن العربي كله وعملنا أحلى لقاء بالنسبة ليا للعمر، ابتدت العلاقة تتوطدت أنا بحبه من قلبي’.
