ميدو يُثير الجدل حول أوضاع الكرة المصرية بـ 6 رسائل غاضبة

أثار أحمد حسام ميدو، لاعب الزمالك السابق، الجدل حول أوضاع الكرة المصرية وأزمة انضمام اللاعبين لمنتخب مصر بـ 6 رسائل غاضبة.

قال ميدو عبر حسابه الرسمي على موقع التواصل الاجتماعي “تويتر”:” الموسم المحلي راجع تاني شوية اشخاص اتغيروا لكن نفس منهج الغباء ماتغيرش منه حاجه شايف ان في محاولة لتذكير الجماهير بمنهج الغباء..اوعوا تنسوا يالا انت وهو ان احنا فشله وأغبيا افتكر كويس انت بتتعامل مع مين!!”.

أضاف ميدو:” عندي اقتناع تام إن في تعمد ان الكورة في مصر تفضل منتج رخيص لسبب ما انا مش عارفه!! لا يمكن يكون اللي بيحصل ده مش متعمد!!”.

أشار ميدو:” الموسم هيبدأ من غير أي تغيير في لائحة الانظباط والاخلاق والحاج قاعد على المكنه بيفصل أسابيع الدوري..الجديد بقى ان المنتخب بقى بيشحت لاعيبته والإعلام بقى بيبرر للكلام ده عادي!! دي بقى مرحلة جديدة من البجاحة!!”.

أوضح ميدو:” انا كنت فاكر ان ليڤيل ان منتخب مصر يبقى بيشحت لاعيبته جاي بعد ٥٠ سنه وكان عندي أمل كبير ان ان شاء الله هموت قبل العمر ده لكن احنا اتطورنا بسرعة جدا..الحمد لله احنا جامدين جدا”.

أكد ميدو:” غير مقبول لا من الزمالك ولا من الاهلي ولا حتى مارسيليا انه يساوم المنتخب بلاعيبته وأي حد يطلع في الاعلام يقول غير كده يبقى ضلالي..الأولوية لمنتخب مصر.. مصر فوق الجميع”.

أتم ميدو:” والله العظيم نفسي أقاطع الدوري المصري ده كورة تعبانه وملاعب تعبانه ونقل تليفزيوني تعبان ولبس معظم الفرق تعبان ومعظم اللاعيبه بيروحوا عند حلاق واحد!!”.