نناقش المشاكل الزوجية في مسلسل وبينا معاد 2
السبت 13/يناير/2024 – 12:01 م
كشف الفنان محمد مهران تفاصيل مشاركته في مسلسل وبينا معاد 2، بطولة الفنان صبري فواز وشيرين رضا، الذي بدأ عرضه اليوم.
وقال محمد مهران خلال لقائه مع القاهرة 24: بقدم شخصية إيهاب خلال الأحداث وبتتكلم عن المشاكل الزوجية اللي بتبقى موجودة في المرحلة الأولى من الجواز ويارب نكون قدمنا المشاكل ديه بشكل حقيقي، وهاجر الشرنوبي هي مراتي خلال الأحداث.
وأردف محمد مهران: مقلقتش من المشاركة في الجزء الثاني، ومبسوط إني بشارك في عمل الجزء الأول ناجح، وإن شاء الله الجزء الثاني يلاقي نفس النجاح، والكواليس كلها حلوة جدًا والناس اللي تعاملت معاهم في المسلسل بيحبوا بعض وبيخافوا على بعض ولو فيه حد محتاج يركز بيدوله المساحة ديه، والمخرج هاني كمال مش بيسيب أي جملة تمر مرور الكرام في أي مشهد.
وأضاف محمد مهران: اختياري للأدوار بيبقى بناءً على أكتر من معيار مش حاجة واحدة بس، ولكن الأهم إني أقدر أقدم أدوار مختلفة.
أبطال مسلسل وبينا معاد 2
يعد مسلسل وبينا معاد 2 من تأليف وإخراج أسامة كمال، وشارك به العديد من الفنانين مع شيرين رضا وصبري فواز، منهم: تسنيم مطر، أسامة الهادي، أميرة أديب، يوسف إبراهيم، أحمد فريد، محمد سليمان، بسمة، وفاء صادق، هاجر الشرنوبي، آية سليم، يوسف الكدواني، نادية رشاد، كنزي رماح، محمد العزازي، إيمان يوسف، هيدي كرم.
