هيفاء وهبي ترد على شيرين عبد الوهاب: مبروك علينا رجوعك لفنك الجميل
حرصت النجمة اللبنانية هيفاء وهبي بالرد على النجمة شيرين عبد الوهاب عقب حديث شيرين عن دعم هيفاء لها خلال أزمتها الأخيرة.
هيفاء وهبي ترد على شيرين
وكتبت هيفاء وهبي عبر حسابها بموقع إكس ردًا على الفنان شيرين عبد الوهاب، وقالت: ‘حبيبتي شيرين أنا ما عملت شي وإنتي بتستاهلي كل خير مبروك علينا رجوعك لفنك الجميل ومبروك لجمهورك المشتاق، بحبك’.
رسالة شيرين لهيفاء وهبي
جدير بالذكر، أن الفنانة شيرين عبد الوهاب وجهت رسالة للفنانة هيفاء وهبي بعد وقوفها معها في أزمتها الأخيرة من خلال منشور عبر حسابها الشخصي على موقع التواصل الاجتماعي للتغريدات القصيرة إكس.
وقالت شيرين عبد الوهاب في رسالتها: أنا رديت على النجمة هيفاء وهبي مش عشان باركتلي على الأغاني النجمة هيفاء وهبي عملت معايا مواقف جدعة اقرب الناس ليا ما عملتهاش علشان نفسيتي تبقى أحسن
أضافت: كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني.
وأوضحت شيرين: هيفا اثبتت أن الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللى شفتها فى الوسط الفني هيفا بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده.
اختتمت قائلة: الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى اني ليا اخت فعلا شكرا يا هيفا يا حبيبتي، وياريت ياريت فى مصر لو في مشاكل انا بناشد أى حد أن الست دى طيبة جدا جدا متستاهلش إلا كل خير.
