وجعت قلبي عليك.. عصام السقا يعبر عن صدمته لوفاة شاب من معجبيه وينشر رسائل وصورا معه
السبت 08/يونيو/2024 – 05:45 م
نشر الفنان عصام السقا صورًا مع أحد معجبيه ورسائل بينهما، وهو شاب عشريني، توفي اليوم بشكل مفاجئ، حيث عبر عن صدمته من الخبر الحزين الذي آلمه، ونشر رسالة سابقة بينهما كان يدعم فيها هذا الشاب.
وكتب عصام السقا عبر صفحته على موقع التواصل الاجتماعي فيس بوك: ربنا يرحمك يا أحمد.. اتقابلت أنا وأحمد 3 مرات، شوفت فيه شاب مكافح مجتهد احترام وأخلاق، ومحدش بيختلف عليه في الجدعنة والذوق، وقلت له بإذن الله هتكون حاجة كبيرة ومشرفة.
وأضاف عصام السقا: كان عنده طموح وثقة وإصرار إنه يكون كدا، وكان واخد خطوات حلوة في شغله وكان بيكبر، بس ماكنتش أعرف إنك هتمشي كدا وإن كل الأحلام والأمنيات هتنتهي.. وجعت قلبي عليك يا أحمد.. ربنا يرحمك ويغفر لك ويصبر أهلك وأصحابك، وأرجو من كل الناس تدعي له بالرحمة والمغفرة ويصبر قلوب أهله وحبايبه.
وجاء نص الرسالة التي أرسلها المعجب لـ عصام السقا قبل وفاته كالآتي: أنا أحمد اللي كنا عند الفندق وبنتصور كلنا ملوي. واللي كنت بصوركم، وأنا بتصور مع حضرتك قلت لي بإذن الله هتبقى حاجة كبيرة وتشرف أي حد، وأنا واثق في كدا وخليك فاكر كلامي حقيقي فرحتني جدا جدا والله، وأنا من زمان وأنا بكلم حضرتك وحقيقي بحبك جدا والله.
عصام السقا يشارك تامر حسني في فيلم ري ستارت
على جانب آخر، يشارك الفنان عصام السقا في فيلم ري ستارت، حيث أعلن الفنان تامر حسني انضمامه إلى أسرة الفيلم، وكتب عبر حسابه بموقع إنستجرام: فريق الفيلم كل يوم بيكتمل نورت الفيلم يا عصام يا حبيبي، نورتوا الفيلم يا أحلى فريق بقيادة المخرجة سارة وفيق.
