بعد تدخل نقيب الممثلين.. التفاصيل الكاملة لأزمة راندا البحيري مع ضرائب 18 سنة

مازالت تحاول الفنانة راندا البحيري حل مشكلتها وأزمتها مع الضرائب، حيث ناشدت الفنان الدكتور أشرف زكي نقيب الممثلين لمساندتها وبالفعل استجاب لها وتدخل لحل الأزمة.

نشرت راندا البحيري مقطع فيديو يجمعها بالفنان أشرف زكي نقيب الممثلين، لمحاولة حل أزمتها مع الضرائب، عبر حسابها الرسمي بموقع فيس بوك، وعلقت قائلة: «مشكلتي مع الضرائب في طريقها إلي الحل.. التقيت مع نقيب المهن التمثيلية الدكتور أشرف زكي وتم الاتفاق علي الآتي.. أولًا تكليف المحاسب القانوني للنقابه بدراسة الملف الخاص بي».

أزمة راندا البحيري مع الضرائب

وتابعت: «ثانيًا تكليف المستشار القانوني للنقابة لاتخاذ جميع الإجراءات القانونية حيال جميع القضايا المتعلقة بالمشكلة، وثالثًا سيتم تحديد موعد قريب مع المسئولين في مصلحة الضرائب لمعالجة المشكلة بشكل نهائي وأخيرًا كل الاحترام والتقدير لجميع الشركات المصرية».

وكانت قبلها أعلنت راندا البحيري تفاصيل أزمتها مع الضرائب واستغاثت بالدكتور أشرف زكي، حيث كتبت في منشور عبر حسابها الرسمي: «السيد نقيب المهن التمثيلية تحيه طيبه و بعد.. هذا ليس بيان شجب ولا شكوي ولا أي شئ آخر.. كل ما في الأمر عرض موضوعي على حضراتكم.. لقد حوربت بداخل شركات الإنتاج المصرية وتم منعي من العمل بدون إبداء أسباب وبالفعل بعد أكتر من بروفة لأكتر من عمل وأكتر من محاولات لدخولي أعمال فنية (بلاقي نفسي فجأه اتشالت منها ومش فيها والعمل بيكمل من غيري).. الكلام ده بيحصل بالظبط بقاله أكتر من 7 سنوات وبيحاولوا فيه بقالهم أكثر من 13 سنة بمساعدة أحد الأشخاص خارج المجال الفني.. وليس هذا صلب الموضوع أبدًا، أنا بتعرض بقالي 4 سنين دلوقتي لضغط لا يمكن لواحده ست تقدر تتحمله لوحدها».

مشكلة راندا البحيري مع الضرائب

واستكملت: «أنا مشتكتش ولا خليت شكل الفن والفنانين وحش والتزمت الصمت وبقالي سنين بحاول اشتغل في مشاريع وفيه منها اللي ربنا كرمني فيه وفيه منه اللي عشان عدم خبرتي الكبيرة اتنصب عليّ فيه.. يعني بسبب ان مفيش عدل في المنظومة أتنصب عليّ في فلوس كنت شغالة بيها وجايباها بتعب كبير جدًا.. كنت طول عمري شخص ماشي صح جدًا فيما يخص الأوراق وحق الدولة وضرائبي كلها مدفوعة من 2004 يعني بقالي 20 سنة بدفع للضرائب.. وأظن لو أنا شخص مش ماشي صح مع الضرائب كان من زمان هتلاقي حد قال راندا مدفعتش أو معملتش أو كذا وكذا… ومحدش أصلا يقدر يشكك في حبي لبلدي الشديد ووطنيتي وفي نزاهتي الحمدلله رب العالمين».

وأضافت راندا البحيري: «اكتشفت من فتره أنهم حاطين عليّ ضرائب جزافية بالرغم من إني مبشتغلش في التمثيل أصلا

وكل ما أكلم حد في المبنى بيقولي أصل الممثلين كلهم حصل معاهم كده مش أنتِ بس!!!.. طب أنا بتكلم عن نفسي

اتكلمت مره واتنين.. وكلمت نقيبي السيد أشرف زكي وهو أداني نمرة تليفون الأستاذة مها المختصة عن الممثلين أمام الهيئه العامة للضرائب بحيث إنها تفهمهم وقالي إن الموضوع ده هيخلص لأن الممثلة دي حاليًا لا تعمل بالتمثيل فمش هينفع إننا ندفعها فلوس قديمة هي أصلا دفعتها قبل كدة».

واختتمت: «وبالمستندات إحنا (أنا والمحاسب الضريبي المحترم اللي شغال معايا) دفعنا الفلوس اللي علينا من قبل 2005

كل سنة بندفعها في سنتها إنما .. هم مرة واحدة عايزينك تدفع ضرائب جزافية هم اللي حسبوها من غير ما يرجعولك

واضطريت في المرة الأولي نظرًا لحبي لبلدي واحترامي لكيان الفنان المصري وعدم اهتزاز صورته أمام المصريين والعرب إني امضي على رقم كبير جدًا مع إني متأكدة إن أنا مش المفروض أدفع الكلام ده.. على وعد منهم (والسيد أحمد عبد الغني) إني هدفع أصل المبلغ ومش هدفع غرامات على المبلغ ده.. وبالفعل وقفوا غرامات وبقالي كذا سنة بقسط المبلغ ده للضرائب لحد الحمدلله ما خلصته كله.. فوجئت بعد ما المبلغ خلص أولاً بمبنى القيمة المضافة بيكلمني عايز يدفعني غرامة بالرغم من إنهم وعدوني مفيش غرامات.. والغرامة دي أكتر من المبلغ نفسه اللي بقسطه بقالي سنتين.. ثم اتصال من كذا مأمور (ضرائب عامة) طالبين مني فحص كل سنين العمل اللي اشتغلتها.. افحص 2006 اللي ورقها بقي لونه أصفر؟ وطالبين إني أدفع من 2006 لحد 2024 يعني 18 سنة ضرايب أنا دافعاهم أصلا قبل كده.. قولتلهم أنا دفعت ده.. قالولي مينفعش قولتلهم إيه هو اللي مينفعش.. قالولي أصل إحنا واخدين تعليمات إن كل الممثلين يدفعوا أزيد من اللي دفعوه.. قولتلهم التعليمات دي منين؟ محدش رد.. قالولي كده كده هتدفعي حتى لو دفعتي قبل كده.. مع الضغط عليّ.. اضطريت إني أعمل جلسات مع الضرايب لحد ما كل الناس هناك بقوا يشوفوني يوميًا وبجد فيه ناس تعاطفت جدًا مع موضوعي لأنهم بالفعل شايفينني دفعت قبل كده.. إلا مختصة الحجز كل يوم بتكلمني (أنا هحجز عليكي).. أنا أول مره أشوف موظف بيتصل بعميل الساعة 8 بالليل بعد مواعيد العمل عشان يقوله أنا هحجز عليك.. يتم تهديدي يوميًا بالحجز على أموالي.. يتم تهديدي يوميًا بالضرايب مع إني دفعت كل ضرائبي لحد آخر عمل عملته.. ارحموا الممثل المصري ارحمونا وبجد بجد والله ما بطلب شغل أنا أصلا فقدت الشغف كممثلة ومش عايزه أشوف وش الكاميرا دي تاني.. أنا فعلا كل اللي طالباه إنكم تسيبوني في حالي بس مش أكتر. يا أسيادنا أنا عايزة أكمل حياتي في مصر مش عايزه أدور على شغل برا ولا عايزة أعيش في حتة تانية ليه مصممين تزقونا كلنا ندور على حياتنا في حتة تانية».